Tutkijat ei saata ymmärtää tiedettä taitheen näkökulmasta. Siksi het ei ymmärä sitä välitöntä ihmistä jota luononvoima ohjaa. Yhteiskunta näkkee vain kulttuurivallan. Sen takia meilä on ekonoomisia ja puliittisia kriisiä. Ekonoomit, pulitiikkerit ja iteolookit ei käsitä ekuismin ja ahneuven vastavoimaa. Intivitualistinen sosialismi on tietheentaije, joka aukasee oven paremphan mailmhaan. Sekylääri yhteiskunta haluaa ette met kaikin tulema Lordin hovimestariks, sen tarjoilijaks, juoksupojiks ja kokiks. Koulu vaatii että opima suurela vaivala palvelemhaan ja ihailemhaan tekstiä, jokka on vain heijastuksia toelisesta elämästä. Ette meistä tullee kelvolisia puukstaavin trenkiä. Tekstit tulevat meän pyhä lehmiksi. Luovuus on että vapautua näistä tekstitten palvelusta.